| Tshuaj |
Hom Mob |
Kev Cai Siv |
| * Paj Hnub Hlis |
Mob Hli Hlais Pob Ntseg |
Muab cov noob coj los xo kom mog mog ces mam li muab pleev rau lub qhov txhab kom txog 3 hnub xwb. |
| * Qaub Nraug (ib txhia hu ua Nroj Zoo Nraug |
Mob Txheeb Zis Tso Tsis Tau Zis |
Muab tus cag coj los tsau dej txias haus. Yog Mob Txheeb Zeb nrog no muab Tsev Mos Sias Av rhaub haus. |
| * Tsawb Ntug
* los yog Nplaig Nees Dab |
Qaub Dab Peg (Seizures |
* Muab lub hauv paus coj los tsoo qhwv. Raws li kev qhwv yuav tsum yog cov laus qhwv xwb, tsis pub cov hluas qhwv. Kev qhwv no yuav tsum yog qhwv tus ntiv tes nta (middle finger) los yog tus ntiv tes hauv plawv; qhwv lub yis tes nkaus xwb. Tsis pub tus mob paub yam tshuaj nov. Yuav tsum qhwv ib hlis 3 zaug xwb.
* Los yog leej twg muaj tus nplaig nees dab, ces muab txhoov 3 riam rau tus mob haus. Tus Nplaig Nees Dab yog cov ncaim nees es yug thawj phaum me nyuam. Tus me nyuam tshuab tawm hauv lub qhov ntswg los yog hauv qhov ncauj los. Maj me ntsis tsam tus me nyuam nees muab noj lawm tsis tau. |
| * Yas Dub
* Txiv Qhov Muag Nas * Txiv Daw Zeb * Txiv Siav Nyeg * Nplooj Ntse Nyeg * Kab Yeeb Tshuaj |
Mob Qaug Txaj Nkees Pw Tas Hnub |
Muab 6 yam tshuaj no rhaub haus 1 hnub yuav tsum haus 3 zaug. Tsaws qaib noj los tau. |
| * Txiv Puaj Kaum
* Haws * Hwj Txob Dub thiab Dawb * Teeb Pheej * Txiv Siav * Foob Xeeb * Tshab Xyoob |
Poj Niam Khub Cev |
Muab cov tshuaj no los rhaub haus thiab tsaws qaib noj yuav pab kom coj khaub ncaws zoo. |
| * Nplooj Txiv Nphuab |
Tshuaj Ntxuav -kom hlab ntsha dhia zoo -kom lees muaj zog -kom lub raum lim tej yam phem tawm mus -kom lub zais zis muaj zog -kom mob txheeb zis zoo -kom pab zog rau poj niam cev xeeb tub thaum pib qaug qav txog thaum tau tus me nyuam -kom pab poj niam yaug cev huv sai tom qab yug me nyuam |
Muab cov nplooj ziab kom qhuav, ces muab rhaub haus. Muab xyaw green tea haj yam zoo. 1 hnub haus 3 zaug. 1 zaug haus 1 khob. |
| Coj Khaub Ncaws Tsis Zoo |
|
* coj khaub ncaws tsis raws hli - haus parsley juice tov nrog kua txiv beet, carrot, los yog cucumber juice * coj khaub ncaws mob plab - tsoo ib qho qhiav tso rau hauv ib qhob dej ces muab sib tod coj mus rhaub kom dej npau, ces muab 1 dia sugar tov rau kom yaj mam li muab laub rau lub khob haus. 1 hnub haus 3 khob sov so * hluas nkauj khub cev - noj txiv taub ntoos los yog txiv maum kuab nyoos * coj khaub ncaws mob ib ce - dob ib co taum mos qus coj los rhaub da * coj khaub ncaws los hlob los yog 1 hlis muaj 2 lwm - muab pob tsawb coj los hau kom siav ces muab rho tawm los noj nrog 1 khob cottage cheese |
| * Koob Tsaug los yog Muv Tsaug (Porcupine Needle) |
Mob Qa |
Muab coj los ci los yog hlawv kom tawg paj ces muab xo mos mos nqos thaum lub caij yuav mus pw thiab sawv ntxov nkaus xwb. |
| * 1 Lub Qe Qaib * Hwj Txob * Nplooj Zaub Iab * Zaub Nplaig Yaj |
Hnoos |
Muab plaub yam tshuaj no coj los sib tov thiab muab cub ua ke noj ua ntej thaum tsis tau noj mov. |
| * Zaj Xaws Nyeg |
Mob Pob Sawv Hlwv los yog tus yam ntxwv uas cov laus hais tias Mob Raug Dab Zag |
Muab cov noob xo kom mos coj los pleev rau kom puv 3 hnub. Tom qab 3 hnub, zoo thiab tsis zoo los txhob pleev lawm. |
| * Txiv Plhauv Lauv * Npuag Dej |
Mob Pob Khaus |
Muab 2 yam no coj los rhaub da 1 hnub 3 zaug |
| * Suab Thaj (Sugar Cane Paste) |
Ua Paug vim Ntshiv Xyoob Ntshiv Ntoo Chob Ko Taw |
Muab 1 qho suab thaj qhwv rau. 2-3 hnub ces tus pos tawm. |
| * Cag Txiv Nphuab Dub (Blackbery) |
Thoj Plab los yog Zawv Plab |
Muab lub hauv paug coj los ziab tshav kub kom qhuav ces muab rhaub haus. Haus 1 nrab khob txhua 2 teev. Kuj zoo mob hawb pob thiab. |
| * Xyooj Fab * Lawj Faj * Xwb Cob |
Ua Luag Mus Hav Zoov Kom Tsiaj Qus Tsis Kov |
Thaum twg koj poob siab heev thiab tsis tau luag, koj muab 3 yam no coj los hlawv kom tsw yuav ua rau cov tsiaj qus ntshai koj. |
| * Cag Suab Xov Tooj * Nroj Tsaug Zog |
Tsaug Lees los yog Caus Yaum |
Muab 2 yam no coj los rhaub haus 1 hnub haus 2-3 zaug los yog muab rhaub ntxuav 1 hnub ntxuav 1 zaug. |
| * Dej * Kua Moj Naus (Lime Juice) * Chicken Broth * Jelly Cranberry Sauce * Whole Milk |
Yuag thiab Tsis Qab Lus los yog Xav Nce Pounds |
1) Koj yuav tau yoo tshaib 3 hnub. * Hnub 1 - Haus 1 khob dej txhua teev - Haus dej nrog kua moj naus lub sij hawm noj tshais, noj su, thiab noj hmo * Hnub 2 - Haus 1 khob dej txhua teev li qub - Noj jelly cranberry sauce nrog chicken broth lub sij hawm noj tshais, noj su, thiab noj hmo thiab txhua zaug koj hnov tshaib plab koj noj jelly cranberry sauce thiab haus chicken broth ntxiv los tau * Hnub 3 - Haus 1 khob dej txhua teev li qub - Noj jelly cranberry sauce thiab haus chicken broth li hnub 2 2) Tom qab yoo tshaib 3 hnub tas - Haus whole milk txhua 2 teev - Noj tau nqaij thiab zaub mov cov mos mos xwb ces koj mam li maj mam noj tej yam tawv zog mus |
| * Zaub Txhwb Nyug |
A) Ua Qoob (Chicken Pox B) Paab Kom Txhob Muaj Paus Ntau Tso |
A) Muab rhaub haus 2-3 hnub ces tawm tag lawm. Muab rhaub da los kuj zoo thiab. - Tus muaj mob lawm, caiv nyob twj ywm hauv tsev thiab txhob mus hliv cua. Txhob kib nqaij thiab txhob ua tsw roj rau tus neeg mob. Noj zaub mov sov so xwb thiaj zoo sai. B) Tom qab noj mov tag, rhaub 1 khob dej kom npau coj los hliv rau lub khob, ces muab 1 dia noob zaub txhwb nyug qhuav coj los tso rau hauv khob dej kub thiab muab lub taig coj los khwb lub khob kom txhob dim pa ces tos 10 nasthis mam li haus. |
| * Tauj Dub (Tauj Qab) |
A) Muaj Pob Zeb Hauv Zais Zis B) Txhob Muaj Yoov Qaib |
A) Muab rhaub haus kom ntau, yuav pab kom pob zeb yaj tawm. B) Muab cog ib cig tsev. |
| * Qhiav |
- Xeev Ntuav - Qaub Cig Lees Thaum Pw Sawv - Pab Kom Ntshav Qab Zib Qis - Coj Khaub Ncaws Mob Plab |
Muab 1 ntiv qhiav txhoov mog rhaub nrog 2 khob dej. 1 hnub haus 3 khob sov so. 1 zaug haus 1 fluid ounce. |
| * Zaub Txhwb Qaib * Noob Zaub Txhwb Qaib |
A) Tawv Nqaij To B) Pab Tshav Qab Zib Nyob Qis, Ua Npaws, Ntuav C) Mob Qej Txha |
A) Siv dej thiab soap los ntxuav qhov to ua ntej mam li muab 1 qho hmoov zaub txhwb qaib qhuav phoo rau qhov to. B) Muab cov nplooj thiab noob coj los rhaub haus li tshuaj yej (tea). C) Ua 1 khob tshuaj yej zaub txhwb qaib siv cov ka koj los zaws rau tej qej txha mob ntawd. |
| * Kua Txhob |
A) Mob Hniav B) Pab lub plab kom muaj kua qaub los zom thiab tov zaub mov tau zoo thiab pab kom cov hnyuv muaj zog thiab khov, ua npaws thiab no, cov tib neeg tes taw txias txias, pab rau cov tib neeg muaj roj thiab ntshav nyeem hauv hlab ntsha kom cov ntshav txhob plaum ua ke txhaws tej hlab ntsha. C) Txhaws Ntswg |
A) Tuav kua txob coj los pleev rau qhov chaw mob. B) Noj kua txob nrog nqaij thiab zaub mov. C) Noj kua txhob kom ntsim ncauj kom tswg los. |
| * Qij * Kua Qij |
A) Tiv thaiv lub cev ntawm kab mob, tswj roj ntsha nyeem kom txhob nyeem nyeem, pab ntshav dhia zoo, pab kom plawv dhia zoo B) Pob Ntxau |
A) Noj qij nyoos 2 plais thiab 1 khob dej thaum nruab hnub thiab thaum hmo ntuj ua ntej mus pw. B) Muab 1 plais qij tsoo coj los pleev rau koj cov pob ntxau 1 hnub 2 zaug. |
| * Hwj Txob |
A) Hnoos B) Tsam Plab C) Ua kom ntshav tu thaum tawv nqaij to los ntshav D) Txhaws Tswg thaum tau Khaub Thuas |
A) Muab 1 dia hwj txob tov nrog 1 dia zib mu (honey) ces mam li muab noj. Yog tsis muaj zib mu ces muab fwj txob tov nrog piam thaj thiab kua roj (butter). B) Tov hwj txob nrog kua qhiav thiab haus tom qab noj mov. C) Muab hwj txob phoo rau qhov to xwb ces ntshav tu thiab tsis mob lawm. D) Hnia hwj txob kom txhub. |
| * Ntsev |
A) Tawm Ncauj B) Mob Qa yog koj qw heev dhau lawm C) Txhais ceg tsis so xws li txhais ceg lam tau lam tshee D) Ntxiv zog rau koj tom qab koj ntuav heev thiab zaws plab heev ua rau koj qa qhuav thiab tsis muaj zog |
A) Muab ib qho ntsev coj los npuab rau lub tawm. Tsis li ntawd ces siv dej thiab ntsev coj los sib tov yauv ncauj 1 hnub yaug 3 zaug. B) Muab ib qho kua ntsev coj los yaug koj lub qa nti tawm. C) Tso dej sov rau hauv ib lub thoob txog 1 thiab 1 nrab feet siab. Muab 3 dia ntsev pob zeb tov rau hauv thoob dej. Tuav 1 qho pam dev (peppermint) coj los tso rau hauv thoob dej. Rau koj txhais ceg rau hauv thoob dej thiab ua koj lub cev kom muag thiab tswj koj txoj kev ua pa kom ua pa maj mam. Tos 10 nas this mam li rho koj txhais ceg tawm mus yaug dej. Koj ua li nov txhua hmo ua ntej koj mus pw. D) Tov 1 dia ntsev rau 1 khob dej haus. 1 hnub haus 4 khob. ** Ntsev kuj muaj yam tsis zoo. Ntsev yog ib yam tsis zoo rau tus tib neeg muaj mob ntshav siab. Yuav tsum txhob noj tej yam daw ntsev los yog siv ntsev ntau vim yuav ua rau tus neeg tsis muaj mob ntshav siab muaj tau. |
| * Piam Thaj (Sugar) |
Qaug Cig Lees (Kiv To Hau) los yog Yuav Tsaus Muag |
Muab 1 dia piam thaj thiab 1 qho ntsev me tov rau 1 khob dej haus. ** Piam thaj kuj muam yam tsis zoo. Piam thaj thiab tej yam qab zib tsis zoo rau tus tib neeg muaj mob ntshav qab zib. Tsis zoo noj qab zib ntau yuav ua rau tus neeg tsis muaj mob ntshav qab zib muaj tau. |
| * Hauv Paug Dos Loj (Onion) |
A) Tawm Ncauj B) Qes Tes Qes Taw C) Mob Rwj D) Txhuam Hle Tawv E) Mob Ntshav Siab F) Pab kom lub plawv ua hauj lwm zoo |
A) Muab ib qho onion txiav coj los npuab rau lub tawm ntawd. B) Muab 1 lub onion txhoov mog coj log tso rau hauv 1 lub hnab ntaub, ces muab tso rau ntawm qhov chaw qes thiab muab khwv rau. Hloov siv dua lub onion tshiab 3 zaug 1 hnub. C) Tsu cov kua tawm ntawm lub onion thiab muab cov kua los pleev rau lub rwj. D) Muab kua onion coj los pleev rau qhov chaw txhua hle tawv ntawd. E) Tov 2 dia kua onion nrog 1 nrab dia zib mu. 1 hnub noj 2 zaug rau 14 hnub. F) Noj onion txhua hnub. |
| * Dos (Green Onion) |
Hnoos |
Txhoov 1 tus dos tov nrog 1 lub maj naus daj (lemon) cov kua thiab 1 thiab 1 nrab khob dej. Coj mus rhaub kom npau ces cia nws npau 5 nas this mam li muab hliv rau lub khob thiab tov 1 dia honey rau hauv. 1 hnub haus 3 zaug. |
| * Pam Dev (Peppermint) |
A) Tsam Plab, Xeev Siab Ntuav B) Mob Tob Hau |
A) Muab 1 khob dej rhaub kom npau ces muab hliv rau hauv lub khob. Ces muab 1 thiab 1 nrab dia peppermint qhuav tso rau hauv khob dej kub ntawd thiab tos li 10 nas this mam muab cov kua lim haus. B) Muab 1 co Peppermint coj los tuav es muab cov kua coj los xais lub hauv pliaj thiab cej dab. |
| * Zaub Txig theem (Basil) |
A) Hnoos B) Mob Qa C) Muaj Pob Zeb Hauv Lub Raum D) Tawm Ncauj E) Qhov Txhab Kab thiab Pliaj Hab Tom |
A) Rhaub 1 khob dej kom npau mam li muab hliv rau hauv lub khob, ces muab 1 dia zaub txig theem qhuav tso rau hauv khob dej kub ntawd thiab tos 5 nas this, ces tov 1 dia zib mu rau hauv mam li haus. B) Muab rhaub haus. Muab cov dej no coj los yaug qa nti tawm los tau. C) Muab kua zaub txig theem tov nrog honey noj. 1 hnub noj 2 zaug txog 6 lub hlis. Ces pob zeb yuav yaj tawm ua zis los. D) Muab 2-3 daim nplooj zaub txig theem coj los ntsuas. E) Muab tus kav zaub txig theem los tuav pleev rau. |
| * Mov (Rice) |
A) Mob Plab Kem B) Zawv Plab los yog Thoj Plab C) Ntsej Muag Tshiab thiab Mos Tuaj |
A) Ua ib kho mov kua dis siv dej kom ntau. Thaum mov kua dis siav lawm, cia kom txias mam li noj thiab haus cov kua. B) Tsis txhob noj tshuaj vim koj lub plab tsis muaj zog lawm. Ua mov kua dis siv dej kom ntau thiab tov ib kho ntsev me me rau. Ces haus cov kua. C) Muab 1 khob txhuv tso rau ib lub tais. Tso dej rau tais txhuv kom dej siab zog cov txhuv. Muab cov txhuv zawv kom cov dej nro nro. Muab cov dej hliv rau 1 lub khob. Muab 1 txoj phuam los yog ntawv so tes coj los ntub cov kua txhuv coj los so ntsej muag. Los yog siv 1 daim ntawv so tes los txiav qhov tawm ua 2 lub qhov muag, qhov ntswg thiab qhov ncauj. Muab daim ntawv ntsej muag ntawd coj los ntub cov kua txhuv. Ces muab daim ntawv ntsej muag coj los npuab rau koj lub ntsej muag. Tos 15 nas this mam li rho daim ntawv ntawm koj lub ntsej muag pov tseg. |
| * Ntses Cov Roj (Fish Oil) |
Ntshav Siab thiab Muaj Roj |
Orange Roughy Fish yog hom ntses muaj roj ntau. Muab ntses Orange Roughy coj mus ncu, xw, los yog hau noj nrog lub Txiv Apple Ntsuab los yog lub Txiv Khaus Taw tseem ntsuab ntsuab. 1 hnub noj 2 zaug. ** Noj lub caij koj so nyob sev xwb vim yuav ua rau koj tso quav los roj ntau. Qhov no koj txhob ntshai. Tsis txhob noj ntses Orange Roughy yog koj cev xeeb tub lawm los yog koj noj tshuaj ntshav siab, thiab los yog koj tsis xis nyob. |
| * Qaib |
Khaub Thuas |
Muab dej txias rau lub lauj kaub ces tsuav qaib nrog pob txha tso rau hauv coj mus hau kom dej npau. Ces txhoov zaub txhwb, 2-3 plais qij, 1 lub onion, thiab 1 tus carrot tso rau hauv lauj kaub qaib. Ces muab tsawg li 1 teev thiab yim cov kua roj pov tseg mam li noj thiab haus cov kua sov so. |
| * Zaub Qhwv |
A) Mob Kab Npaws Noog (Bird Flu) los yog raws li cov mob no: ua npaws, mob qa, hnoos, mob tob hau, mob ib ce, mob qhov muag, ua tsis taus pa, thiab kub hauv siab B) Mob Qej Txha C) Doog Ntshav D) Tawv Nqaij To E) Zawv Plab Ntswj F) Niam Mis Txhaws |
A) Noj zaub qaub ntsim kauslim los yog kimchi nrog txhua pluas mov. B) Noj zaub qhwv nyoos txhua tas kis ua ntej mus noj lwm yam zaub mov. C) Muab 1 daim nplooj zaub qhwv sub kom sov coj los npuab rau qhov doog ntshav. D) Muab zaub qhwv tsoo coj los npuab rau qhov to. E) Muab zaub qhwv los hau 1 teev ces haus cov kua. F) Muab 1 daim nplooj zaub qhwv coj los tso rau hauv lub tsho khiab mis. |
| * Txiv Tsawb |
Yog muaj mob raws li no: thoj plab ua rau koj tsis muaj zog, ua npaws, xeev siab thiab ntuav, tsis xav noj zaub mov, ntshav liab tsawg vim tso quav muaj ntshav, thiab tsam plab |
Noj 2 lub txiv tsawb txhua hnub. |
| * Qos Yaj Yim |
Mob Qij Txha |
Ntxuav 3 lub qos yaj yim coj mus hau kom siav. Ces hliv cov kua rau 1 lub khob haus thaum txias. 1 hnub haus 3 zaug ua ntej noj mov rau 2 week. Tseg 2 week txhob haus lawm, ces mam li rov qab haus dua 1 hnub 3 zaug ua ntej noj mov rau 2 week. |
| * Qe |
Doog Ntshav |
Muab 1 lub qaub qe nyoos coj los pleev rau thiab zuaj ua vaj voos kom tsis txhob mob, ces siv dej sov coj los ntxuav. Mus hau 1 lub qe kom siav, ces mam li tev daim nphlaub thiab muab lub qe thaum tseem kub kub ntawd coj los dov rau qhov chaw doog ntshav kom lub qe txias mam li tsum. Ua li no 1 hnub 3 zaug txog 2 los 3 hnub xwb. |
| * Tsib Sai thiab Plaub Sai |
- Mob Phob Vaug - Tsheb Tsoo ua Mob Laus |
Muab rau dej kub los yog cawv haus mus ntaus tus mob kom yaj. 1 hmo yuav tsaus ntuj mam li haus. |
| * Maj Dab |
Coj Khaub Ncaws Tsis Zoo Thiab Mob Plab |
Muab rhaub haus thaum yuav ua phem es mob mob. 1 hnub haus 2-3 zaug. |
| * Quav Ceeb |
- Me Nyuam Kub Tob Hau - Ua Qoob - Kub Hnyiab |
Muab rau dej kom yaj ces haus 1 hnub 2 zaug. |
| * Mab Zoo Lees |
Mob Lees |
Muab rhaub haus thiab ntxuav. 1 hnub siv 2 zaug. |
| * Ntoo Daj |
- Mob Plab hlauv - Mob Riav |
Muab rhaub haus 1 hnub 1 zaug. |
| * Ntoo Qhuav Qa |
- Kem Mis xws li tus me nyuam noj mis kem - Npuag Dawb Txhaws Qa Qhuav - Mob Ntsws Mob Siab Ua Rau Hauv Siab Kub Kub thiab Ua Pa Nyuaj |
Muab rhaub haus 1 hnub 2 zaug. |
| * Txiv Rua Lo |
- Mob Qa - Poj Niam Hlauv Duav - Yug Me Nyuam Tas Kom Ncauj Tsev Me Nyuavm Rov Kaw - Hawb Pob |
Muab 1 lub txiv rua lo tso 1 khob dej txias haus. 1 hnub haus 2 zaug. ** Muab txiv rua lo tso dej kub ces lub txiv tuag lawm. Yuav tsum tso dej txias xwb. |
| * Xyab Txhim |
- Kem Plab Mob Ncauj Plab |
Muab txhoov mog mog noj tshiab haus 1 khob dej lawv. 1 hnub noj 2-3 zaug. |
| * Tshuaj Ua Npaws Ruam |
Ua Npaws |
Muab rhaub haus 2 zaug tas ces muab rhaub ntxuav. |
| |
|
|
| |
|
|
| |
|
|
| |
|
|
| |
|
|
| Vitamins |
| Vitamin A Tiv thaiv kom txhob muaj mob cancer. Nws kuj pab tiv thaiv kom txhob muaj mob plawv thiab stroke, pab kom roj nyeem nqis hauv hlab ntsha, pab kom thev laus, tiv thaiv kom txhob muaj mob npaws, pab kom txhob muaj kab mob hauv lub nraum, zais zis, ntsws, thiab ntawv nqaij, nws kuj pab kom plaub hau thiab nrau tes zoo nkauj, pab kom pom kev hmo ntuj thiab pom kev zoo nruab hnub, thiab pab tiv thaiv kom txhob muaj kab mob rau lub cev. Yog tsis muaj Vitamin A los yog tsis txaus rau lub cev, yuav ua rau koj tsis pom kev zoo, ntawv nqaij tawg pleb, tsis xav noj mov, tsis hnov ntxhiab ntsw, qaug qaug zog, thiab pos hniav thiab kaus hniav tsis zoo nkauj. |
| Vitamin C Txoj hauj lwm yog tsim tshuaj yug nqaij, nws kuj pab thiv thaiv lub cev ntawm kab mob thiab cancer, pab tiv thaiv kom lub cev tsis txhob doog ntshav, pab kom hlab ntsha txhob txhaws, pab kom txhob mob qhov muag, pab kom ntshav siab nqis, roj nyeem hauv hlab ntsha nqis, pab kom txhob mob plawv, pab kom txoj hlab ntsha ruaj, pab kom qhov txhab to zoo sai, thiab pab yaug cev kom tej yam phem tawm ntawm lub cev mus. Yog tsis muaj vitamin C los yog tsis txaus rau lub cev, yuav ua rau koj pos hniav to los ntshav yooj yim, nqij txha o thiab mob, qhov txhab to zoo qeeb, doog ntshav yooj yim, los ntshav tswg heev, kaus hniav lwj, tsis xav noj mov, ib ce tsis muaj zog, hlab ntsha tsis muaj zog, tshav liab tsawg, thiab plab zom zaub mov tsis zoo. |
| Vitamin D Pab noob ntshav tsim insulin los pab kom txhob muaj ntshav qab zib, vitamin d nrog noob ntshav dawb tiv thaiv lub cev ntawm kab mob, nws kuj pab ua kom pob txha khov, thiab pab kom tsis txhob muaj mob cancer ntawm txoj hnyuv loj. Yog tsis muaj vitamin D los yog tsis txaus rau lub cev, yuav ua rau koj cov pob txha muag thiab tsis muaj zog uas nws tawg tau, kaus hniav lwj, pob txha lov zoo qeeb, ib ce tsis muaj zog, thiab nraum tsis ua hauj lwm zoo. |
| Vitamin E Pab cov noob nqaij kom txhob puas. Qhov no tseem ceeb rau kev tiv thaiv kom txhob muaj mob cancer thiab mob plawv. Vitamin e kuj zoo rau poj niam uas thaum ua ntej coj khaub caws nws nqhis ub nqhis no, mis nruj thiab mob, pob tob hau, thiab chim taus. Vitamin e pab kom ntawv kub hnyiab zoo sai, pab kom ntshav siab nqis, pab kom txhob mob qhov muag, pab kom txhais ceg tsis txhob mob tu sauv, pab kom ntawv qaij thiab plaub hau zoo nkauj, thiv thaiv kom txhob muaj ntshav txhaws thiab ua kom qhov ntshav txhaws yaj, pab kom txhob qaug zog, thiab pab kom nqaij muaj zog. Yog tsis muaj vitamin E los yog tsis txaus rau lub cev, yuav ua rau koj muaj mob plab cancer, mis cancer, txiv neej lub qog tom xib cancer, ntsws cancer, thiab cancer ntawm txoj hnyuv loj. |
| Vitamin K Pab ua kom ntshav tu thaum los ntshav. Nws kuj pab kom pob txha khov thiab pab cov npluag hauv lub cev ua hauj lwm zoo. Yog tsis muaj vitamin k los yog tsis txaus rau lub cev, yuav ua rau koj los los ntshav xws li ntawv nqaij doog ntshav, los ntshav ntswg, los ntshav hauv plab uas tej thaum koj ntuav tau ntshav, pom muaj ntshav hauv quav thiab zis, thiab pob txha tsis khov. |
| B Vitamins Thiamine Pab tsim kom muaj ntshav rau lub cev, pab kev zom zaub mov, pab kom cev muaj zog thiab nqaij zoo nkauj, pab lub cev thev laus, pab thiv thaiv kom txhob muaj mob tawm ncauj, pab kom hlwb dhia zoo, pab kev ua pa, thiab pab kom txhob caus yaum tes taw. Yog tsis muaj thiamine los yog tsis txaus rau lub cev, yuav ua rau koj tsis xav noj mov, qaug zog, xeev ntuav, ntxaug tuaj, mob ib ce, plawv thiab plab muaj mob, tso quav tawv, thiab nyuaj nyuaj siab. Riboflavin Yuav tsum muaj los pab tsim ntshav liab. Pab kom txhob mob qhov muag, pab kom txhob muaj plhaws saum tob hau, pab muab tej yam zoo ntawm cov zaub mov koj noj los yug koj lub cev, pab kom txhob muaj mob tob hau, thiab pab kom nti ncauj txhob tawg pleb. Yog tsis muaj riboflavin los yog tsis txaus rau lub cev, yuav ua rau koj qhov muag khaus khaus thiab kub kub, qhov ncauj tawm thiab nti ncauj tawg pleb, qhov muag liab, tus nplaig xiav li paj yeeb ntsha, mob thiab khaus ntawm daim ntawv nqaij, plab zom zaub mov tsis zoo, ib ce tshee tshee, ua dab tsi los ua qeeb qeeb, thiab ntawv nqaij muaj roj. Niancin Ua kom txoj hlab ntsha khoob loj, qhov no pab rau kom ntshav dhia zoo thiab ntshav siab nqis, niancin kuj pab kom roj nyeem hauv hlab ntsha nqis, pab kho qaug cig leeg thiab pob ntseg rov, pab tiv thaiv mob tob hau, pab kom txhobmuaj mob tawm ncauj thiab kom txhob ua pa tsw phem, thiab pab kom ntawv nqaij zoo nkauj. Yog tsis muaj niancin los yog tsis txaus rau lub cev, yuav ua rau koj muaj hom mob hu ua pellagra uas yog ua rau koj ntawv nqaij mob ua pob liab, hlwv, los yog muaj ib txheej tawv ntawv nqaij ntxiv saum koj daim ntawv nqaij, ua rau koj xeev ntuav, ua rau koj zawv plab, ua rau koj lub plawv tsis muaj zog thiab o, hlwb dhia tsis zoo, Yog tsis muaj nianci kuj yuav ua rau koj ua pa tsw phem, tawm ncauj, thiab tsis muaj zog. Pantothenic Acid Pab kom lub cev txhob qaug zog, pab kom muaj noob ntshav liab, pab kom qij txha txhob mob, thiab pab kom roj nyeem hauv hlab ntsha nqis. Yog tsis muaj pantothenic acid los yog tsis txaus rau lub cev, yuav ua rau koj mob thiab kub ko taw, ntawv nqaij tsis zoo nkauj, qaug cig leeg, plab zom zaub mov tsis zoo, ntuav ntuav, mob plab ntswj, thiab ib ce tsis xav so. Biotin Pab ua kom tej yam zoo rau lub cev nws huv, pab kom noob nqaij tsis txhob muaj mob, pab tej roj ntsha kom txhob muaj mob, pab kom txhob do hau, pab kom plaub hau txhob dawb, pab kom ntawv nqaij zoo nkauj, pab kom txhob mob nqaij, thiab pab kom ntshav qab zib nqis. Yog tsis muaj biotin los yog tsis txaus rau lub cev, yuav ua rau koj ua tsis taus pa, qaug zog thiab qaug cig leeg, mob ib ce, tsis xav noj mov, nyuaj siab, thiab ntawv nqaij dawb li kob txho los yog gray. Vitamin B-6 Pab kom txhob muaj mob plawv los ntawm kev tiv thaiv kom txhob muaj rog ntau ntawm lub plawv, pab kom hlwb dhia zoo, pab kom nqaij txhob tu sauv, pab kom tes tsis txhob txhav txhav, pab kom txhob xeev ntuav thiab mob tob hau, pab roj nyeem nqis, pab kom pom kev zoo, pab tiv thaiv kom poj niam tsis txhob qaug qav ua ntej coj khaub ncaws, pab tsim kom muaj noob ntshav liab, pab tiv thaiv lub cev ntawm kab mob thiab cancer. Yog tsis muaj vitamin b-6 los yog tsis txaus rau lub cev, yuav ua rau koj ntshai ub no los yog txhawj thiab poob siab, xeev ntuav, ntawv nqaij cia li to yam tsis tau ua dab tsi raug mam to, qaij tsis muaj zog, ntshav liab tsawg, mob qhov ncauj, mob ntawv nqaij, npab thiab ceg tu sauv, plaub hau hle, kawm ub no qeeb, thiab lub cev khaws cov dej koj haus ntawd cia xwb tsis muab coj los siv yug koj lub cev. Dej caw ua rau vitamin b-6 tuag. Vitamin B-12 Pab tsim kom muaj noob ntshav liab thiab pab tsim noob nqaij, pab kom ib ce muaj zog, pab tiv thaiv kab mob, pab lub plab zom zaub mov kom zoo, pab kom cov leeg xa xov hauv lub cev dhia zoo, thiab pab kom nco tau ub no zoo. Yog tsis muaj vitamin-b12 los yog tsis txaus rau lub cev, yuav ua rau koj qaug zog, pob txha lov, quav tawv, nyuaj siab, plab zom zaub mov tsis zoo, qaug cig leeg, daim siab o loj, mob qhov muag los yog tsis ua hauj lwm zoo, pom ub no uas twb tsis muaj nyob ntawd, mob tob hau, ua tsis taus pa, hnov qab ub no, chim taus, poob siab, ntshav liab tsawg, pob ntseg rov, noj zaub mov heev heev txawm tias koj twb tsis tshaib plab li, thiab tus txha nqaj qaum lov. Folate Pab lub plawv ua hauj lwm, pab kom tus me nyuam hauv plab txhob muaj teeb meem, pab tiv thaiv kab mob ntawm tej zaubm ov koj noj, pab kom plaub hau txhob dawb sai, pab kom ntawv nqaij zoo nkauj, pab kom hlwb dhia zoo, pab tsim zog rau lub cev, pab tsim kom muaj noob ntshav liab, thiab pab tsim kom muaj noob ntshav dawb los tiv thaiv kab mob ntawm lub cev. Yog tsis muaj folate los yog tsis txaus rau lub cev, yuav ua rau koj muaj mob ntshav liab tsawg, mob plab thiab hnyuv, vitamin b-12 tsis txaus, thiab plaub hau dawb ua ntej laus. |